კვლევის შესახებ
მაგნიუმი არის სასიცოცხლოდ მნიშვნელოვანი მინერალი, რომელიც მონაწილეობს ნერვული სისტემის, კუნთების, გულის მუშაობისა და ენერგეტიკული ცვლის რეგულაციაში. მაგნიუმი ძირითადად გვხვდება ძვლების, ასევე ერითროციტების, კუნთების, ღვიძლის და სხვა ორგანოებისა და ქსოვილის შემადგენლობაში, ის ასევე წარმოადგენს მრავალი ფერმენტის მნიშვნელოვან კომპონენტს
რა შემთხვევაში უნდა ჩაიტაროთ კვლევა?
კვლევის ჩატარება რეკომენდებულია, როდესაც სახეზეა:
- ნერვ-კუნთოვანი პათოლოგიები (კუნთების სპაზმი, კრუნჩხვები (cramps), ტეტანია, დაჭიმულობა, კანკალი, თავის ტკივილი, უძილობა);
- გულ-სისხლძარღვთა სისტემის დარღვევები (არითმია, ჰიპერტენზია);
- ნერვული სისტემის ფუნქციური დარღვევები (ხშირი დაღლილობა, გაღიზიანებადობა);
- ელექტროლიტური ცვლის ბალანსის დარღვევა (ჰიპოკალციემია, ჰიპოკალიემია);
- დიარეა, მალაბსორბცია, პარენტერალური კვება;
- თირკმლის პათოლოგიები;
- ნეფროტოქსიური პრეპარატებით ხანგრძლივი მკურნალობა (ქიმიოთერაპია, ჰორმონოთერაპია);
- მაგნიუმის შემცველი პრეპარატების ხანგრძლივი მიღება.
ინტერპრეტაცია
მაგნიუმის მაღალი მაჩვენებელი (ჰიპერმაგნეზემია) შესაძლოა გამოწვეული იყოს შემდეგი მიზეზებით:
- თირკმლის უკმარისობა;
- მაგნიუმის პრეპარატების ჭარბი მიღება;
- სხვადასხვა პრეპარატებით ინტოქსიკაცია (სალიცილატები, ლითიუმი);
- დეჰიდრატაცია.
მაგნიუმის დაბალი მაჩვენებელი (ჰიპომაგნეზემია) შესაძლოა გამოწვეული იყოს შემდეგი მიზეზებით:
- არასრულფასოვანი კვება, მეტაბოლური აციდოზი;
- მალაბსორბცია;
- ხანგრძლივი დიარეა;
- თირკმლის სხვადასხვა პათოლოგიები (ქრონიკული გლომერულონეფრიტი, პიელონეფრიტი, ოსმოსური დიურეზი);
- შარდმდენი პრეპარატების მიღება;
- ღვიძლის პათოლოგიები (ციროზი);
- პანკრეატიტი;
- ენდოკრინული და მეტაბოლური დარღვევები (ჰიპერთირეოზი, ჰიპერპარათირეოიდიზმი, შაქრიანი დიაბეტი, გახანგრძლივებული ლაქტაცია, ტოქსიკოზით მიმდინარე ორსულობა, ეკლამფსია);
- ძვლის პათოლოგიები (ოსტეოლიზური სიმსივნეები, მეტასტაზური ჩანართები ძვალში);
- ჰემოტრანსფუზია, ჰემოდიალიზი;
- სეპტიცემია;
- დამწვრობა;
- ალკოჰოლის ჭარბი მოხმარება.
კვლევასთან ერთად ასევე ხშირად იტარებენ შემდეგ გამოკვლევებს:
- სისხლის საერთო ანალიზი, ედს (CBC + ESR);
- ელექტროლიტები (Na, K, Cl, Ca), სისხლში;
- კალციუმი, საერთო (Ca), სისხლში;
- ფოსფორი (P), სისხლში;
- კრეატინინი (Crea), სისხლში;
- კრეატინინის კლირენსი;
- შარდოვანა (UREA), შრატში;
- შარდოვანას აზოტი (BUN), სისხლში;
- შარდმჟავა (Uric Acid), სისხლში;
- ვიტამინი D (25-OH Vitamin D), სისხლში;
- შარდის საერთო ანალიზი;
- ღვიძლის ფუნქცია (ALT, AST, GGT, საერთო და პირდაპირი ბილირუბინი), სისხლში;
- მაგნიუმი, ერითროციტებში.
როგორ მოვემზადოთ კვლევისთვის?
რეკომენდებულია უზმოდ ყოფნა. ბოლო 12 სთ-ის განმავლობაში არ მიიღოთ საჭმელი და სასმელი (მათ შორის: ალკოჰოლი, გაზიანი სასმელი, ყავა, წყალი), არ მოიხმაროთ საღეჭი რეზინი და თამბაქო).
ტესტის მეთოდოლოგია
მასალის ტიპი
სისხლი (შრატი)
კვლევის შესრულების დრო
ქვეყანა
საქართველი
ავტორი და წყარო
გამოყენებული წყაროები:
- medscape.com
- uptodate.com
- clevelandclinic.org
- mayoclinic.org
- ნინო ღულათავა - სამედიცინო დირექტორი
- ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი
- ლევან არჯევანიძე - კომერციული დირექტორი
