მეგალაბი პირველი და ერთადერთი სამედიცინო ლაბორატორიაა ამიერკავკასიაში, რომელიც ერთდროულად ფლობს ამერიკულ (Joint Commission International-ის (“JCI”)) და ევროპულ (ISO 15189-ის) აკრედიტაციებს.
2022 წელს მეგალაბი გახდა პირველი სამედიცინო ლაბორატორია ამიერკავკასიაში, რომელმაც Joint Commission International-ის (JCI) ამერიკული აკრედიტაცია მიიღო. ეს სტანდარტი პაციენტის უსაფრთხოების უმაღლეს ნორმებს, კვლევების სიზუსტესა და მონაცემთა საიმედო დაცულობას ეფუძნება.
20252025 წელს ლაბორატორიამ წარმატებით გაიარა JCI-ის მორიგი რეაკრედიტაცია.
2024 წელს მეგალაბმა ასევე მოიპოვა ISO 15189-ის აკრედიტაცია, რომელიც სამედიცინო ლაბორატორიების ხარისხისა და კომპეტენციის უმთავრესი საერთაშორისო სტანდარტია.
JCI და ISO 15189 აკრედიტაციების მოთხოვნები ყოველდღიურ საქმიანობაში განაპირობებს:
ლაბორატორიული პასუხის ხარისხზე გავლენას ახდენს მთელი პროცესი, ნიმუშის სწორად აღებიდან საბოლოო შედეგის მიწოდებამდე.
მეგალაბში ეს პროცესი ერთიან სისტემად არის ორგანიზებული.
კვლევის ხარისხი ნიმუშის აღების ეტაპიდან იწყება. შესაბამისი პროცედურებისა და მოთხოვნების დაცვა მნიშვნელოვანია იმისთვის, რომ ლაბორატორიაში მიღებული მასალა კვლევისთვის სათანადო მდგომარეობაში იყოს.
რეგიონული ფილიალებიდან და პარტნიორი სამედიცინო დაწესებულებებიდან ბიოლოგიური მასალის ცენტრალურ ლაბორატორიაში ტრანსპორტირება სპეციალიზებული ლოჯისტიკური სისტემით ხორციელდება. ტრანსპორტირებისას კონტროლდება ნიმუშისთვის განსაზღვრული პირობები და შესაბამისი ტემპერატურული რეჟიმი.
ლაბორატორიაში მიღებისას ნიმუში გადის რეგისტრაციისა და იდენტიფიკაციის პროცესს და შესაბამის კვლევით მიმართულებაში ნაწილდება.
კვლევა სრულდება შესაბამის დეპარტამენტში, განსაზღვრული მეთოდოლოგიის, ტექნოლოგიური სისტემებისა და სამუშაო პროტოკოლების გამოყენებით.
კვლევის პროცესში მოქმედებს ხარისხის კონტროლის მექანიზმები. საჭიროების შემთხვევაში შედეგები გადის დამატებით პროფესიულ შეფასებასა და ვალიდაციას.
დადასტურებული შედეგი პაციენტისა და ექიმისთვის ხელმისაწვდომი ხდება შესაბამისი ციფრული არხებით.
ნიმუშის მიღებიდან შედეგის მიწოდებამდე ძირითადი პროცესები ინტეგრირებულ სისტემაში იმართება, რაც თითოეული ეტაპის კონტროლისა და მიკვლევადობის შესაძლებლობას ქმნის.
მეგალაბის ცენტრალური ლაბორატორია 24 საათის განმავლობაში, კვირაში 7 დღე მუშაობს.
უწყვეტი საოპერაციო ციკლი განსაკუთრებით მნიშვნელოვანია გადაუდებელი და კრიტიკულად მნიშვნელოვანი დიაგნოსტიკისთვის, როდესაც პასუხის მიღების დრო პირდაპირ უკავშირდება შემდგომ სამედიცინო გადაწყვეტილებას.
მეგალაბი საქართველოს მასშტაბით თანამშრომლობს 200-ზე მეტ პარტნიორ ორგანიზაციასთან, მათ შორის კლინიკებთან, ჰოსპიტალურ ქსელებთან და სადაზღვევო კომპანიებთან.
ფილიალები, პარტნიორული ქსელი, სპეციალიზებული ლოჯისტიკა და ცენტრალური ლაბორატორიის ერთიანი სისტემა მეგალაბს საშუალებას აძლევს, მაღალი ხარისხის ლაბორატორიული დიაგნოსტიკა ქვეყნის სხვადასხვა რეგიონში მარტივად იყოს ხელმისაწვდომი.
ადგილმდებარეობა შეიძლება განსხვავდებოდეს, ხარისხის მოთხოვნა კი ერთია.
